Op 12 juli jl. verzorgde Vriendenkoor Echt de Heilige Mis in de Landricuskerk te Echt. Na deze mis, werden de jubilarissen in het zonnetje gezet door onze voorzitter. Dit jaar waren dat Jos Moers (40 jaar) en Jos Janssen (25 jaar). ’s Middags vond de familiedag plaats met daarbij een muzikale ode door de Jónges van de Zank. De liedjes werden geschreven door Paul Gulikers.

EIN LEEDJE VÄÖR JOS JANSSEN
MELODIE: “Wie ich nog ein jungske woor”
TEKS: Paul Gulikers

Vief en twintig jaor
Is Jos al bie de Zank
Vief en twintig jaor
Zungk Jos noe bie de Zank

Zien hobby’s vraoge bès väöl tied
Jos haet ein drök bestaon
Men vreug zich den ouch hieël döks aaf
Wie krig hae det gedaon

Vreuger es elektricien
Det wore ech sjoan tieje
Tuiniere det duit Jos noe gaer
En mit de wensbös rieje

Vief en twintig jaor
Is Jos al bie de Zank
Vief en twintig jaor
Zungk Jos noe bie de Zank

Muzikaal is dae Jos
Det weite weer al lang
Op klarinet speelde hae
Mer noe is det de zang

Óngevieër twintig jaor
Wis Jos et op te brènge
Óm in Postert en in Ech
Steeds te kómme zènge

Vief en twintig jaor
Is Jos al bie de Zank
Vief en twintig jaor
Zungk Jos noe bie de Zank

Mer Vriendenkoor is neet genóg
Van zènge weurtj Jos blie
Zóng Carmina Burana
En Sjinderhannes d’r bie

In oos koar es tenor
Kènste Jos good huuere
Mit zien sjoan hoage stöm
Wèt hae meziek te kluuere

Vief en twintig jaor
Is Jos al bie de Zank
Vief en twintig jaor
Zungk Jos noe bie de Zank